Takimi me koordinatorët e veriut, porosia e Ramës: 80% e drejtorëve do të ikin

Teksa po zhvillohet mbledhja mes kryeministrit Edi Rama dhe koordinatorëve të Partisë Socialiste të rajonit të veriut në Velipojë, burime jozyrtare bëjnë me dije se një prej temave që po diskutohet është largimi nga detyra i një mase të konsiderueshme të drejtorëve rajonalë.

Sipas burimeve nga mbledhja, Rama ka dhënë porosi të prera për Bashkitë e Qarkut të Shkodrës. “80% e drejtorëve do ikin. për të gjitha bashkitë e Qarkut Shkodër do të bëhet vlerësim performance i institucioneve me varësi nga qendra.

Njëkohësisht do të bëhet analizë e buxhetit të bashkive, borxhet dhe projektet aktuale që të evidentohet se ku jemi aktualisht.”- citohet të ketë thënë Rama gjatë mbledhjes.

Më poshtë, gjeni listën e të gjithë drejtorëve të qarkut Shkodër, të cilët pritet të tërhiqen nga detyra në ditët e ardhshme, për t’u zëvendësuar me emra të rinj.

LISTA E PLOTË:

1.Zyra Arsimore Shkodër- Kadri Ymeri

2.Spitali Rajonal Shkodër- Adrian Dajti

3.Hidrocentrali Vau Dejës- Luan Heta

4.Filiali Albaposta Shkodër- Edmond Emini

5.Administrata e Zonave të Mbrojtura në Shkodër- Agim Dardha

6.Drejtoria e Shëndetit Publik Shkodër- Astrit Beci

7.Drejtoria Rajonale e Tatimeve Shkodër-Herion Jashari

8.Dega Rajonale e Thesarit Shkodër- Muzafer Bushaj

9.Operatori i Sistemit të Shpërndarjes- Rezart Isufi

10.KESH Shkodër, Gjon Bala dhe Elvis Murati, përgjegjës të dy zonave

11.Enti Kombëtar i Banesave Shkodër- Brian Muriqi