X

Bora Zemani dhe Donald Veshaj shijojnë pushimet si një çift sportiv dhe romantik, fotot

Që kur “Panorama Plus” dekonspiroi lidhjen e Bora Zemanit dhe Donald Veshajt, dy të rinjtë nuk kanë bërë gjë tjetër, por duke mos e konfirmuar lidhjen me gojën e tyre, e kanë shtuar edhe më shumë kuriozitetin e njerëzve. Gjithçka në funksion të projektit televiziv që kanë së bashku edhe me vëllain binjak të Donaldit, Romeon, i cili është i lidhur me këngëtaren Jonida Maliqi.

Duke qenë aktor humori, Donaldi ka ditur se si ta bëjë publikun për vete, duke krijuar situata humori në emision, por edhe në rrjete sociale. Të gjithë janë shumë kuriozë të shohin Borën dhe Donaldin bashkë, si dy të dashur. Ata fotografohen zakonisht të tre, sepse janë “Treshat”, ose hedhin në rrjete sociale foto nga i njëjti vend, që të kuptohet që po pushojnë bashkë.

Të bukura dhe ngacmuese kanë qenë fotot ku ata fotografonin hijet e tyre, por pa u identifikuar, gjithçka ishte hamendje në komentet e portaleve. Në këtë mënyrë, vijon akoma dilema e shekullit: janë të dashur, s’janë të dashur. Mos e kanë bërë vetëm për vëmendje, por në fakt janë vetëm kolegë? Duhet të përmendim këtu që Bora ka një fëmijë nga martesa që ka pasur me DJ Vin Velin, ndërkohë që Donaldi është beqar. Fotot që i bënë të gjithë të flisnin ishin ato të kuzhinës së Donaldit.

Disa kohë më parë, aty Bora kishte bërë një foto duke pirë kafe, të shoqëruar me diçiturën: Gjithcka çfarë dua është dashuri dhe një kafe. Disa javë më pas, në programin e së “Dielës Shqiptare” ku gatuante Donaldi, ndjekësit vunë re që kuzhina ku kishte bërë fotot Bora, ishte në fakt shtëpia e Donaldit. Gjatë këtij emisioni, ku ishte prezent edhe Ardit Gjebrea, meqë ishte puntata e fundit, Arditi nuk la rast pa e ngacmuar Borën dhe Donaldin.

Në një moment, teksa kanë zbritur shkallët e restorantit, Donaldi i ka veshur sandalen Borës dhe i pyetur nga Gjebrea, e ka cilësuar atë si Hirushe. ‘Dhe kur e pyes unë, je ti Hirushja? Ajo thotë po! Pyes Donaldin: Je ti princi? Ai thotë po. Fotot që shoqërojnë shkrimin tonë janë bërë nga paparazzi ynë pak ditë më parë në një lokal të Tiranës. Bora dhe Donaldi janë në përditshmërinë e tyre, si shumë çifte të moshës së tyre.

Të veshur shumë sportivë, Bora mban një kapele, mbase edhe për më shumë privatësi, por nuk ia del të jetë jashtë vëmendjes së paparazzit tonë, i cili me këto foto u krijon mundësi lexuesve dhe fansave të tyre që të shohin se si janë Bora dhe Donaldi në një moment në kohën e tyre të lirë, jashtë kamerave dhe jashtë sikletit për të pasur një foto perfekte për “Instagram”.

PANORAMA PLUS

* Për më shume bashkohuni në grupin tonë: https://www.facebook.com/groups/tpz.al/
More in LAJME, LIFESTYLE
Polemikat mbi stadiumin “Qemal Stafa”dhe akuzat për ngushtimin e pistës, Arben Dervishi: Pse jemi të detyruar t’i ndryshojmë emrin

Kur do të jetë gati stadium i ri? Kjo është një nga pyetjet që shtrohet shpesh ditët e fundit, nga...

Close