X

Kryemadhi takon ambasadorin gjerman: Integrimi në BE, i rëndësishëm për familjet shqiptare!

Kryetarja e LSI, Monika Kryemadhi, i ka uruar mirëseardhjen ambasadorit të Gjermanisë në vendin tonë, Peter Zingraf, të cilit i ka shprehur falenderimet dhe ndenjat e konsideratës më të lartë për mbështetjen e Republikës Federale të Gjermanisë për afrimin e rajonit me Bashkimin Europian, e në veçanti për mbështetjen e Shqipërisë përmes investimeve nga Banka Gjermane për Zhvillim, kfW dhe projekteve zhvilluese nga GTZ.

Gjatë takimit, Kryemadhi ka nënvizuar nevojën e Shqipërisë për të tejkaluar sa më parë krizën aktuale, për t’i hapur vendit rrugën drejt Bashkimit Europian.

“Të majtë e të djathtë duan që Shqipëria të jetë pjesë e Bashkimit Europian. Integrimi në BE është i rëndësishëm për familjet shqiptare, pasi do të shtojë mundësitë për punësim të mirëpaguar, do të rrisë cilësinë në arsimim dhe shëndetësi, e do të përmirësojë standartet e jetesës në Shqipëri. LSI ka objektiv të saj Integrimin e Shqipërisë në BE”, ka thënë kryetarja e LSI.

Më tej, Kryemadhi ka vlerësuar kontributin e qeverisë gjermane për hartimin e Reformës në Drejtësi. Kryemadhi ka shprehur gjithashtu bindjen e saj për nevojën e zbatimit të reformës në drejtësi ashtu siç është shkruar në Kushtetutë.

“Pa sistem drejtësie të pavarur, nuk ka investime të huaja. Pa investime të huaja, nuk ka punësim. Pa mundësi punësimi, nuk ka të ardhme për rininë e cila po largohet nga vendi duke emigruar dita-ditës. Ndaj LSI kërkon që Reforma në Drejtësi të vazhdojë përpara me integritet ashtu siç është shkruar në Kushtetutë, e cila është miratuar unanimisht nga 140 përfaqësuesit e popullit në Kuvend”, ka deklaruar ajo.

More in AKTUALITET, LAJME
Google përveç gjobës, paguan edhe 465 milionë euro shtesë në taksa

Kompania “Google” do të paguajë 465 milionë euro për të mbyllur çështjen gjyqësore me administratën tatimore franceze, një shumë që...

Close