X

Icardi drejt qëndrimit te Interi, ja sinjalet që e konfirmojnë

Interi i nxori jashtë planeve për sezonin e ri që në ditët e para të verës, por Mauro Icardi dhe bashkëshortja menaxhere e tij kanë qenë të bindur për të qëndruar akoma në Milano dhe këtë e kanë konfirmuar me të gjitha veprimet që kanë bërë.

Shtëpia e re në Milano, kontrata e Wandës me Mediaset, regjistrimi i fëmijëve në shkollat e kryeqendrës së veriut të Italisë, por edhe rruga e heshtjes dhe punës kokulur, e zgjedhur nga Icardi gjatë verës, ishin sinjale se argjentinasi nuk e mendonte largimin.

Kështu gjatë kësaj kohe ish kapiteni ka refuzuar çdo ofertë të ardhur në drejtim të tij, ndërsa me kalimin e ditëve, po veniten edhe shanset që sulmuesi të luajë në një tjetër skuadër sezonin e ardhshëm, ndonëse pistat Napoli dhe Juventus janë ende të hapura.

Mbrëmjen e djeshme Icardi e Wanda ishin në festën e ditëlindjes së Lautaro Martinezs, ndërsa bashkëshortja e sulmuesit postoi një foto me disa nga gratë dhe të fejuarat e futbollistëve zikaltër, me diçiturën “edhe një tjetër vit së bashku”.

Menjëherë pas këtij sinjali të Wandës në rrjetet sociale, erdhi vendimi i radhës nga ana e klubit, që lejoi Icardin të stërvitet me skuadrën mbrëmjen e sotme në stadiumin “San Siro”, në prag të ndeshjes hapëse ndaj Lecces, e programuar për të hënën në darkë.

Antonio Conte do të punojë në stadiumi sonte me të tijtë, për të dhënë edhe porositë e fundit mbi sjelljen e tyre në fushë, ndërsa nën urdhrat e tij do të jetë edhe Icardi, gati për të treguar se vlen dhe se dëshiron të qëndrojë te Interi.

* Për më shume bashkohuni në grupin tonë: https://www.facebook.com/groups/tpz.al/
More in LAJME, SPORT
“Vetëm Ronaldo mund të krahasohet me Ribery”

Rocco Commisso, pronari i Fiorentinës, ka folur për popullin vjollcë në konferencë për shtyp: "Ribery? I kam hapur shtëpinë dhe...

Close