X

Kanabis në pyll në Shëngjergj, pranga 55-vjeçarit, në kërkim i biri

Policia e Tiranës ka finalizuar operacioni policor antikanabis të koduar “Fag” duke goditur një rast të tentativës për kultivim të bimëve narkotike. Në pranga ka përfunduar një 55-vjeçar, ndërsa djali i tij është shpallur në kërkim,.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, si rezultat i kontrollit të territorit, shërbimet e Komisariatit të Policisë Nr. 4, kanë bërë të mundur arrestimin e shtetasit: N. A. 55 vjeç, lindur dhe banues në fshatin Fag, të Njësisë Administrative Shëngjergj, i dënuar më parë për veprën penale “Kultivimi i bimëve narkotike”. Gjithashtu kanë shpallur në kërkim djalin e tij, shtetasin E.A.

Arrestimi i këtij shtetasi dhe shpallja në kërkim e djalit të tij u bë pasi gjatë kontrollit të ushtruar nga ana e policisë për parandalimin dhe goditjen e kultivimit të bimëve narkotike, në brendësi të pyllit të fshatit Fag, janë konstatuar të mbjella fidanë kanabis.
Si rezultat i punës hetimore dhe provave ligjore të sekuestruara në vendin e ngjarjes, dyshohet se babë e bir janë autorë të kësaj vepre penale.

Gjatë kontrollit të ushtruar në banesën e tyre, Policia gjeti dhe sekuestroi në cilësinë e provës materiale 65 fishekë.
Materialet iu referuan Prokurorisë Pranë Gjykatës së Shkallës së Parë Tiranë, për veprat penale “Kultivimi i bimëve narkotike” e kryer ne bashkëpunim dhe “Prodhimi dhe mbajtja pa leje e armëve luftarake”.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
VIDEO+FOTO/ Meta mes blegtorëve në Bizë e Martanesh: Më shumë vëmendje e mbështetje që këto zona të mos braktisen

Presidenti, Ilir Meta ka vijuar fundjavën e tij mes maleve dhe pyjeve të Bizës dhe Martaneshit, ku është takuar me...

Close