X

VIDEO/ Dhunoi turistët spanjollë, flet Mihal Kokëdhima: Nuk doja t’i lija të iknin. Nuk kam prekur njeri me dorë


Në Gjykatën e Vlorës u zhvillua sot masa e sigurisë për Mihal Kokëdhimën, i arrestuar pasi goditi me sende të forta furgonin e një grupi turistësh spanjollë që kishin drekuar në restorantin e tij.

Pas pakënaqësisë së turistëve për shërbimin, Kokëdhima shpërtheu në dhunë ndaj tyre. Ai përfaqësohej në seancë nga dy avokatë, ndërsa gjyqtari i çështjes është Esmerilda Habilaj.

“Më morën zvarrë me makinë. Ç’është kjo punë nuk kam prekur njeri me dorë. Ku kanë faktet që i preka me dorë. Më rrëzuan në Qeparo, nga makina. Unë nuk e theva xhamin për t’i dëmtuar por për t’u mbajtur.

Unë u mora targën, telefonova policinë. Ata futën marshin të më shtypnin, dhe unë u hodha ne kriskot. Kam dy fëmijë në shkolle në Gjermani. Ne dy muaj punojmë. Më lini të punoj”– ka thënë Kokëdhima.

Avokatët mbrojtës kanë kërkuar masë sigurie më të butë, duke ofruar edhe garanci pasurore deri në tre mijë euro.

Sipas avokatëve, asnjë nga akuzat nuk qëndron për ta mbajtur prapa hekurave, ndërsa shtojnë se nuk ka rrezikshmëri shoqërore.

Kokëdhima akuzohet për “kanosje”, “Dëmtime të tjera me dashje” dhe “Shkatërrimi i pronës”.

Ai u arrestua tri ditë më parë nga policia.

More in AKTUALITET, LAJME
VIDEO/ Vdekja e punëtorëve nga rrëzimi i skelës, Zhupa: Kompania ishte kontraktuar nga Erion Veliaj

Dy ditë pas vdekjes së dy punonjësve që ranë nga skela, zëdhënësja e PD-së Ina Zhupa bën përgjegjës kryetarin e...

Close