X

PD i publikoi të shkuarën kriminale, dorëhiqet Valdrin Pjetri

Valdrin Pjetri ka dhënë dorëheqjen nga kryetar i Bashkisë së Shkodrës, pas publikimit të dokumenteve nga Partia Demokratike, të cilat dëshmojnë se Pjetri është dënuar në Itali për trafik narkotikësh dhe është dëbuar nga ky shtet, për shtatë vite.

Pjetri kandidoi në zgjedhjet moniste të 30 Qershor, pa asnjë kandidat përballë, duke qenë se opozita i bokotoi votimet.

Valdrin Pjetri ka njoftuar dorëheqjen me anë të një letre, drejtues qytetarëve të Shkodrës dhe bashkëpunëtorëve të tij.

Kujtojmë se kryeministri Edi Rama, e zgjodhi Pjetrin jo vetëm si kandidat për kryetar bashkie, por edhe si drejtues politik të qarkut Shkodër, si një njeri të besuar të tij, por rezultoi se Pjetri kishte një të kaluar kriminale.

Letra e dorëheqjes së Valdrin Pjetrit:

Të dashur miq, bashkëqytetar, votues të Bashkisë Shkodër, anëtarë të PS, bashkëpunëtorë të mi….

Ditët e fundit jam gjendur në mes të një stuhie mediatike ku akuzat dhe thashethemet i zunë vendin fakteve dhe të vërtetës.

Një ngjarje krejt banale e ndodhur në mes të shokëve të mi bashkëstudent, në të cilën unë nuk kam asnjë faj e përgjegjësi e nuk i kisha kushtuar rëndësi, 17 vjet më parë në moshën 20 vjeçare, u nxor nga konteksti dhe rreth saj u ngritën akuza e linçime përtej çdo skrupulli moral e njerëzor.

Nuk e kisha menduar kurrë që një ditë do të gjendesha përballë akuzave të tilla. Dhe sado i bindur të jem në pafajësinë ligjore dhe pastërtinë morale të personit tim, me keqardhje ju rrëfej se të tilla shpifje kanë shkaktuar dhimbje të mëdha te unë e familja ime dhe se unë kurrë nuk kam qenë pjesë e kësaj kategorie për të cilën sot akuzohem.

Në këto kushte, vëmendja dhe energjitë e mia do të përqendrohen tanimë tërësisht në zgjidhjen dhe sqarimin ligjor të kësaj ngjarje të 17 viteve më parë, ngjarje për të cilën në dijeninë time nuk kam pasur asnjë përgjegjësi ligjore në atë kohë.

I ndërgjegjshëm për rëndësinë e imazhit politik dhe i vendosur që këtë sqarim ligjor ta ndërmarr në pozitat e qytetarit të thjeshtë, pa iu bërë barrë askujt, vendos të dorëhiqem nga marrja e detyrës së Kryetarit të Bashkisë Shkodër.

Ju jam mirënjohës të gjithëve për ndihmën dhe mbështetjen që më dhatë në fushatë!

Ishte një ëndërr e bukur t’i jepnim Shkodrës atë çka meriton. Por fatet e një qyteti nuk duhen të jenë kurrë të lidhura pashmangshmërisht me fatet e një individi, cilido qoftë ai.

Së fundi, ju jam pafundësisht mirënjohës të gjithë atyre që më kanë mbështetur apo dërguar mesazhe solidariteti në këto ditë të vështira për mua.

Ju uroj me gjithë shpirt më të mirën për Ju dhe familjen Tuaj !

More in KRYESORE, LAJME
Ish-lojtari i Manchester United vret veten, vuante nga ankthi

Një talent i ri vrau veten pasi kishte pësuar një dëmtim që nuk do ta lejonte të luajë më futboll....

Close