X

Sistemi i thesarit jashtë funksionit/ Tabaku: Është bllokuar qëllimisht për të fshehur pagesa

Ish-deputetja e PD-së, Jorida Tabaku, ka bërë me dije se prej dy javësh sistemi i thesarit në Ministrinë e Financave është jashtë funksionit.

Në denoncimin e saj, Tabaku sqaron se fakti i mbajtur në hije nga instancat përkatëse, thyen çdo standard të transperencës.

Sipas ish-deputetes, sistemi është bllokuar qëllimisht për të fshehur pagesa rimbushëse.

MESAZHI I TABAKUT

Cfarë po ndodh me sistemin e Thesarit?

Që prej datës 2 Gusht sistemi i thesarit online nuk funksionon! Që kjo qeveri ka thyer çdo standart transparence është e qartë! Nuk publikohen me tenderat online, nuk dalin më vendimet e qeverisë në fletoren zyrtare, as dekretet e presidentit, nuk publikohen më ligje në faqen e kuvendit. Faktikisht, nuk ka me asnjë mënyrë se si të aksesosh dokumente zyrtare!

Por fakti që sistemi i thesarit nuk funksionon prej më shumë se 10 ditësh do te thotë dy gjëra; ose janë duke kryer pagesa e rimbursime që duan t’i mbajnë të fshehta ose qeveria shqiptare ka më shumë se 10 ditë që nuk bën pagesa pasi qeveria nuk ka më parà!

Kushdo qoftë arsyeja ajo çfarë vlen për t’u theksuar është terri i plotë informativ mbi veprimet e qeverisë. Tanimë nuk bëhet fjalë për thyerjen e standarteve të vendosura nga qeveria demokratike. Bëhet fjalë për fshehjen e një krimi që është po aq i rëndë sa vetë krimi. Në pritje të Ministrisë për të reaguar duhet të kuptojmë që spektakli i ofruar në televizor me inspektimet tatimore është gënjeshtra që mbulon malin e madh të korrupsionit!

Postimi i Jorida Tabakut:

More in AKTUALITET, LAJME
Vdekja e Emiliano Sala, hetimet nxjerrin fakte të reja tronditëse

Shtatë muaj nga vdekja e futbollistit argjentinas Emiliano Sala dhe e pilotit anglez David Ibotson, hetuesit janë ende në terr...

Close