X

AKU ndërpret aktivitetin e katër subjekteve në Tiranë e Lushnjë

Autoriteti i Kontrollit të Ushqimit ka “goditur” të tjera raste të subjekteve që ushtrojnë aktivitet pa licencë.

AKU thotë se subjektet janë gjobitur, për shkak se ata kanë shkelur sigurinë ushqimore.

Në njoftim thuhet se për shkeljet e konstatuara, subjektet kanë marrë gjobë në shumën 6.81 milionë lekë.

Subjektet që janë gjetur në shkelje vepronin në Tiranë, Spille dhe në Lushnjë.

Njoftimi i AKU:

AKU NDËRPRET AKTIVITETIN NË 4 SUBJEKTE, RESTORANTE DHE MAGAZINA USHQIMORE TË PALICENCUARA. KUNDRAVAJTJET NDËSHKOHEN ME 6.81 MILION LEKË

Drejtoritë Rajonale të AKU, qarku Tiranë dhe Fier ushtruan kontrolle në 4 subjekte, me aktivitet “Restorant” dhe “Magazinë ushqimor”, nga ku u konstatua: ushtrim aktiviteti i palicencuar, mangësi në dokumentacion (gjurmueshmëri, plani HACCP), si dhe veprim në kundërshtim me përgjegjësitë e operatorit të biznesit.

Për shkeljet e konstatuara, AKU mori masat administrative si në vijim: 11 masa administrative “Gjobë” me vlerë totale 6,810,000 lekë dhe “Ndërprerje aktiviteti” për 4 subjektet.

Siguria ushqimore është sfida jonë e përbashkët!

More in AKTUALITET, LAJME
Video/ Protestë në Shkodër, mbështetësit e PD thirrje kundër Ramës

Mbështetësit e Partisë Demokratike kanë zhvilluar një marsh-protestë kundër Valdrin Pjetrit, ndërsa u shprehën se nuk pranojnë zyrtarë të korruptuar...

Close