X

“Fshini WhatsApp-in nga celulari”/ Ekspertët ngrenë alarmin, zbulojnë të metën e këtij aplikacioni

Ekspertët e sigurisë së rrjeteve sociale kanë ngritur alarm për përdoruesit e “WhatsApp”-it. Ata shprehen të shqetësuar për sigurinë e të dhënave personale dhe bëjnë thirrje për fshirjen e menjëhershme të apikacionit nga “menu”-ja e aparatëve celularë.

Gjatë një konference të mbajtur në Los Angeles, kompania për sigurinë kibernetike “Check Point Research” zbuloi një të metë thelbësore në sigurinë e aplikacionit.

Sipas njohësve të fushës, hakerat mund të kenë akses në bisedat tona dhe të ndryshojnë mesazhet që kemi dërguar, duke i manipuluar ato sipas dëshirës së tyre.

Ashtu siç shihet dhe në foton e mëposhtme, marrësi dhe dërguesi nuk rezulton të kenë njëjtin mesazh në celular, pasi një i tretë ka ndërhyrë për të transformuar bisedën. Në mendimin e ekspertëve, kjo e metë mund të sjellë probleme të mëdha, pasi ndërhyrja është aq e kollajtë saqë nuk kërkon të jesh doemos një specialist, por thjesht një haker i zakonshëm.

Kjo nuk është hera e parë që gjigandi i komunikimit “WhatsApp”, paraqet probleme me sigurinë dhe akuzohet për shkelje të privatësisë. Kjo thirje vjen në kuadër të “datëlindjes” së 3-të të Rregullores së Përgjithshme të Mbrojtjes së të Dhënave (GDPR), që u siguron individëve në pikun e epokës digjitale të drejtën për të kontrolluar, korrektuar apo fshirë përmbajtjet lidhur me ta, bazuar në një kornizë ligjore të posaçme.

* Për më shume bashkohuni në grupin tonë: https://www.facebook.com/groups/tpz.al/
More in LAJME, Magazine
Presidenti Meta kujton Havzi Nelën, të vrarë nga regjimi komunist

Presidenti i Republikës, Ilir Meta, ka kujtuar varjen e poetit disident Havzi Nela nga regjimi komunist në Shqipëri. Meta shkruan...

Close