X

Arrestohet “tmerri” i Fierit, grabiti 8 motorë dhe biçikleta



Ndërhyrja në kohë e shërbimeve të policisë vë në pranga autorin e vjedhjes me dhunë të dy varëseve të floririt të një shtetaseje. Policia ka sekuestruar në cilësinë e provës materiale varëset e floririt.

Ndërkohë, uniformat blu bëjnë të ditur se me arrestimin e Mariglen Lamaj, 40 vjeç, banues në Fier, kanë zbuluar 8 vjedhje motoçikletave dhe biçikletave nga personi në fjalë nga janari e deri në datën 15 korrik 2019.

Njoftimi i Policisë
Zbardhen dhe dokumenton edhe 8 vjedhje motoçikletash dhe biçikletash të kryera nga ky shtetas.

Në sallën Operative të Drejtorisë Vendore të Policisë Fier në numrin unik 112 ka ardhur një telefonatë për ndihmës nga shtetase, se në lagjen “Bishanak” Fier një shtetas rreth 40 vjeç i ka marrë me forcë nga qafa dy varëse floriri dhe është larguar me vrap

Falë reagimit në kohë të shërbimeve të Policisë të cilat janë vënë menjëherë në ndjekje të autorit të dyshuar, ku pas disa minutash ndjekje kanë bërë të mundur kapjen dhe arrestimin në flagrancë të shtetasit :

M.L, 40 vjeç, banues në Fier, të cilit në momentin e kapjes ju gjetën edhe dy varëset e shtetases që telefonoi Policinë për ndihmë.

Gjithashtu, nga veprimet hetimore të kryera nga Specialistët për Hetimin e Krimeve në Komisariatin e Policisë Fier u bë dokumentimi ligjor i 8 vjedhjeve të motoçikletave dhe biçikletave në qytetin e Fierit ku autor i dyshuar është shtetasi M.L.

Konkretisht:
• Në datë 20.04.2019, dyshohet se ka vjedhur motorin e shtetasit A.B, në lagjen “1 Maj”.
• Në datë 26.06.2019, dyshohet se ka vjedhur motorin e shtetasit A.R, në Petovë.
• Në datën 02.07.2019, dyshohet se ka vjedhur motorin e shtetasit S.D, në lagjen “29 Nëntori”.
• Në datën 15.07.2019, dyshohet se ka vjedhur motorin e shtetasit V.H, në Hasturkas.
• Në datën 22.01.2019, dyshohet se ka vjedhur biçikletën e shtetasit T.B, në lagjen “Konferenca e Pezës” Fier.
• Në datën 07.03.2019, dyshohet se ka vjedhur biçikletën e shtetases J.H, në lagjen “11 Janari”.
• Në datën 06.03.2019, dyshohet se ka vjedhur biçikletën e E.N, në lagjen “15 tetori”.

Materialet hetimore i kaluan Prokurorisë pranë Gjykatës së Shkallës së Parë Fier për veprën penale “Vjedhja me dhunë”.

More in AKTUALITET, LAJME
Elbasan, digjet Benz-i gjatë natës. Dyshimet e para të policisë

Një automjet tip Benz është shkrumbuar plotësisht në qytetin e Elbasanit në rrethana ende të panjohura. Mjeti ishte i parkuar...

Close