X

Antidroga italiane: Shqipëria, furnizuesja kryesore e Italisë me marijuanë

Shqipëria vazhdoi të ishte furnizuesja kryesore e Italisë me marijuanë në vitin 2018. Po ashtu, shqiptarët përbëjnë përqindjen më të lartë mes të arrestuarve për trafik droge.

Këto janë disa prej përfundimeve publikuar në raportin vjetor të Drejtorisë së Përgjithshme italiane të Antidrogës, për të dhënat e trafikut të drogës në Itali në vitin 2018.

Pikat kryesore të raportit në lidhje me Shqipërinë janë:

– Shqipëria, përmes detit Adraitik, është kanali kryesor furnizues për Italinë dhe vendi i origjinës i sasisë më të madhe të marijuanës së sekuestruar gjatë këtij viti.

– Në total në vitin 2018, antidroga italiane ka sekuestruar rreth 14,2 ton marijuanë. Sasia e marijuanës së sekuestruar që vinte nga Shqipëria është rreth 6.3 ton, ose sa 44 për qind e sasisë totale të sekuestruar.

– Grupet kriminale shqiptare që merren me trafikun e marijuanës në Itali janë të vendosura kryesisht në rajonin e Puglias e Campagnas.

– Vitet e fundit, bandat shqiptare po përfshihen dhe në trafikun e kokainës. Ato e trafikojnë kokainë nga Spanja e Holanda, dhe më pas e shpërndajnë në të gjithë Italianë.

– Për trafikimin e heroinës, bandat shqiptare po bashkëpunojnë me mafian napoletane Camorra.

– Nga Shqipëria e Greqia trafikohet në Turqi sasi të konsiderueshme droge e njohur me emrin SKUNK, një derivat i kanabisit mjaft i fuqishëm.

– Në 2018-ën, në Itali janë arrestuar 1917 shtetas shqiptarë, të akuzuar për trafik lëndësh narkotike, ku pjesën më të madhe e zënë të arrestuarit për trafik kokaine: 1282 shqiptarë, ose 66 për qind, janë arrestuar për trafik kokaine; 418 shqiptarë ose 21 për qind janë arrestuar për trafik marijuane, 167 shqiptarë ose 9 për qind janë arresuar për trafik heroine.

– Mes shqiptarëve të arrestuar për trafik droge vihet re rritje e numrit të femrave dhe fëmijëve minorenë./Exit.al/

More in AKTUALITET, LAJME
Lideri i Opozitës: Ja tri arsyet pse shqiptarët e braktisën Ramën më 30 qershor

Lideri i opozitës, Lulzim Basha, zhvilloi një takim informal me strukturat e PD në Malësi të Madhe, ku dha disa...

Close