X

Basha takim me Komitetin Amerikano-Hebraik: Vazhdojmë betejën në këtë orë të errët në Shqipëri


Kreu i Partisë Demokratike Lulzim Basha, ka zhvilluar një takim me Komitetit Amerikano- Hebraik ACJ. Basha u shpreh gjatë takimit se është e domosdoshme që të vazhdohet beteja për zgjedhje të lira në Shqipëri.

Kreu i PD-së theksoi se beteja do të jetë deri në triumfin e vlerave të përbashkëta perëndimore të lirisë, demokracisë dhe mundësive për çdo shqiptar.

Postimi i Bashës në “Facebook”:

Takim i përzemërt dhe shumë miqësor me delegacionin e Komitetit Amerikano- Hebraik ACJ, të kryesuar nga Drejtori Ekzekutiv, z. David Harris.

I shpreha z. Harris mirënjohjen për mbështetjen e çmuar ndër vite të Shteteve të Bashkuara për demokracinë dhe liritë civile dhe politike të qytetarëve shqiptarë si dhe domosdoshmërinë për ta vazhduar betejën në këtë orë të errët në Shqipëri, për vlerat dhe parimet themelore të zgjedhjeve të lira, barazisë para ligjit dhe ndarjes dhe kontrollit të pushteteve.

I sigurova miqtë amerikanë se në vend të heshtjes apo dorëzimit para modelit të dështuar të despotizmit lindor, korrupsionit dhe shkatërrimit të lirisë dhe demokracisë, ne do të vazhdojmë pa kompromis me standartet europiane dhe amerikane, betejën tonë deri në triumfin e vlerave të përbashkëta perëndimore të lirisë, demokracisë dhe mundësive për çdo shqiptar.

More in AKTUALITET, LAJME
Mimoza Hafizi pas “divorcit” nga politika: Në politikë mund të ecësh vetëm nëse bëhesh ashtu si duan të tjerët

Në një eveniment shkencor, ku politika ishte e përjashtuar, nuk mund të mos mungonte politika si koncept. Mimoza Hafizi, ish...

Close