X

I pasionuar pas purove dhe mjeteve ushtarake, kush është shefi i Cërrikut që u pezullua për armët e bandave në Elbasan? (Foto)

Pas akuzave se ka publikuar foton e armëve nga operacioni i Elbasanit, i kryer më 1 korrik mësohet se shefi i komisariatit të Cërrikut, Bilal Semanaj është pezulluar nga detyra.

Semanaj është pezulluar, vetëm për dy ditë pasi dyshohet se gjatë operacionit i është dërguar një foto e armëve, si një i pasionuar pas tyre.

Po kush është Bilal Semanaj?

Semanaj u emërua në Cerrik më prill të këtij viti nga drejtori i Përgjithshëm i Policisë, Ardi Veliu. Nga shef i Komisariatit të Policisë Peqin, ai u tranferua në Cërrik.

Në një kërkim të thjeshtë në rrjetet e tij sociale vihet re pasioni që ai ka për armët dhe aeroplanëve.

Semanaj i veshur me një xhup lëkure, i cili ka të gdhëndura simbolet e marinës amerikane dhe me një puro në gojë, ka pozuar para disa mjeteve të ndryshme fluturuese.

Përveç Semanajt, i pezulluar nga detyra është shefi i Krimeve në Cërrik Albjon Xhitoni, ndwrsa Specialisti i Krimeve Edvin Gjyli dhe Inspektori i Krimeve të Rënda Eduart Hasani janë tashmë nën hetim administrativ.

Më datë 1 korrik, një ditë pas atentit që ju bë vëllezërve Baho, ku mbeti i vdekur një prej tyre, 22-vjeçari Klevi, policia dhe RENEA zbuluan në ambientet e një karburanti një magazinë me armë të ndryshme të sifistikuara.

Ende nuk dihet se si janë futur këto armë në Shqipëri pasi përdoren nga ushtria e NATO-s dhe janë tepër të sofitstikuara. Ndërkohë lidhur me magazinën e armëve të sekuestruara është shpallur në kërkim një person. Bëhet fjalë për shtetasin Ilir Beko që është njëkohësisht edhe pronari i karburantit “Eldio Petrol”, ku u gjetën armët.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Debati për taksën e re/ A do rritet çmimi i naftës?

Gjatë gjithë ditës sësotme opozita ka akuzuar qeverinë se do të grabisë sërish xhepat e shqipëtarëve duke rritur çmimin e...

Close