X

Ngritja e SPAK, katër emrat e parë intervistohen të hënën

Këshilli i Lartë i Prokurorisë më datën 8 korrik, në orën 9:00, do të nisë intervistat me kandidatët për Strukturën e Posaçme Anti-korrupsion, të njohur masivisht si SPAK.
Sipas KLP-së intervistat do të zgjasin minimalisht një orë për secilin kandidat dhe do të regjistrohen me audio dhe video.

Intervistat këshilli i Lartë i Prokurorisë do t’i zhvillojë deri më datë 12 Korrik. Këshilli i ka renditur kandidatët sipas alfabetit. 4 të parët që do të qëndrojnë përballë këshillit janë Altin Dumani, drejtuesi i komanduar i Prokurorisë së Apelit për Krime të Rënda, Anita Jella drejtuese e Prokurorisë se Durrësit, Anton Martini prokuror në Prokurorinë për Krime të Rënda dhe Arben Kraja, Prokuror në Prokurorinë e Përgjithshme.

Këshilli ka vendosur në fund të mbledhjes që intervistat e kandidatëve të SPAK do të publikohen në faqen zyrtare te KLP-së, por vetëm pjesa e prezantimit, shprehjes se interesit dhe motivacionit për të qenë pjesë e Strukturës së Posaçme Anti-Korrupsion.

More in AKTUALITET, LAJME
Kryemadhi sfidë Ramës: Nëse kemi frikë nga Reforma në Drejtësi…

Kryetarja e LSI, Monika Kryemadhi, ka sfiduar mazhorancën socialiste të Edi Ramës, e cila është shprehur kohët e fundit se...

Close