X

FOTO/ Sekuestrohet kanabis dhe armë në Vlorë, një në pranga dy në kërkim


Policia e Vlorës ka asgjësuar fidanë cannabis sativa në një fshat të Selenicës dhe ka sekuestruar dy armë zjarri dhe municion luftarak.

Një i ri kanë përfunduar në pranga, ndërsa dy të tjerë janë shpallur në kërkim.

Shërbimet e Policisë Selenicë në bashkëpunim me Strukturat e Narkotikëve pranë Drejtorisë Vendore të Policisë Vlorë, bazuar edhe në informacione të marra në rrugë operative, kanë evidentuar dhe goditur një rast të tentativës për kultivim të bimëve narkotike në një zonë në territorin e fshatit Lapardha të Selenicës.

Nga këqyrja e vendit të ngjarjes policia ka gjetur dhe asgjësuar fidanë cannabis sativa, si dhe ka gjetur të fshehura 2 armë zjarri (një automatik model 56′ dhe një pistoletë model 54′) si dhe municion luftarak.

Në vijim të veprimeve është arrestuar në flagrancë shtetasi J. L., 29 vjeç, banues në fshatin Lapardha.

Gjithashtu, janë shpallur në kërkim 2 shtetas të tjerë; R. L., 28 vjeç dhe M. L., 28 vjeç, me banim në fshatin Lapardha, si bashkëpunëtorë të implikuar në lidhje me ngjarjen, ku vijon puna për kapjen e tyre.

Po në vijim të veprimeve për dokumentimin e plotë të kësaj vepre penale, u procedua në gjendje të lirë për veprën penale “Moskallëzim Krimi”, shtetasi A. L., banues në fshatin Lapardha, pasi dyshohet se ka pasur dijeni për ngjarjen.

Materialet iu referuan Prokurorisë për veprën penale “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe municioneve” të kryera në bashkëpunim.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
FOTO/ Historia misterioze që ka zënë faqet e mediave kryesore në botë: Gruaja e sheikut të Dubait fshihet në Londër, prej frikës nga i shoqi

Princesha Haya Bint al-Hussein, gruaja e sundimtarit të Dubait, Sheikh Mohammed Al Maktoum, është duke u fshehur në Londër, nga...

Close