Muhamed Veli, pyet shefin e NATO-s, për marrëdhënien e Lulzim Bashës me Vladimir Putinin

Shefi i NATO-s, Jens Stoltenberg, u trondit sot për herë të parë, që nga koha e themelimit të NATO-s në vitin 1949, nga një pyetje e mençur, e thellë, e gjerë dhe e gjatë, e gazetarit të mirënjohur, Muhamed Veli.

Dukej që pyetja ishte krijuar, formuluar dhe ndërtuar, pas hulumtimeve serioze, që gazetari ynë Muhamed dhe Fugë këshilltari kishin bërë, lidhur me rrezikun dhe ndërhyjen e madhe ruse në Ballkan dhe veçanërisht, ndërhyrjen e Putinit te Lulzim Basha.

Pyetja, shkaktoi një tronditje kaq të madhe tek shefi i NATOS-s, sa që ai e pati shumë të vështirë ta merrte veten nga ky bombardim kaq intelektual. Ky ishte shkaku, që përgjigja e tij, ishte si përçart dhe i tronditur ia kaloi përgjigjen Edi Ramës.

Pas mbarimit të konferencës, shefi i NATO-s, pyeti Edi Ramën:

– Ç’ishte ai djalë që na bombardoi me atë pyetje të tmerrshme?

– Lëre mo lëre, Meti mo Meti, Muhamedi, nuk ke dëgjuar për të?

– Bobo, – vijoi Stoltenberg, paska edhe emrin e profetit. Po nga është me origjinë?

– Lëre, lëre, ç’të të them? Sa i përket orgjinës është pak e ngatërruar – ia ktheu Rama. Është çam i Shijakut dhe Londinez. Këtij ja ngarkon Fuga të gjitha pyetjet që kanë vështirësi intelektuale dhe që kërkojnë forcë karakteri.

Për më shumë informacion rreth performancës së Muhamedid, ndiqni videon: