Avokati i ditur Ngjela: Washingtoni kërcënon Bashën, Moska habitet nga xhiro e PD-së

1 Qershor, 2019 11:23

Më në fund, pas njëzet ditë pushimi, avokati shumë i njohur dhe shumë i ditur, Spartak Ngjela, rishfaqet në median online. Në prononcimin e vet, me kompetencat që ai disponon, shpjegon se cilët janë faktorët e pranimit të Shqipërisë në Bashkimin Europian.

Në këtë status, zëdhënësi i FBI-së dhe i qeverisë amerikane në Shqipëri, shpjegon se si Amerika do ta shpallë Partinë Demokratike, terroriste.

– Tani, – thotë ai, as Edi Rama nuk i ndihmon dot këto hordhi destabilizuese.

Avokati i ndritur, nuk harron të shpjegojë, përse në protestën e fundit, hordhitë e opozitës, u kthyen në pula të qytetëruara.

Në këtë status, avokati na sjell edhe të dhëna, rreth sjelljes së Moskës me Shqipërinë.

Për më shumë informacion, lexoni statusin e plotë të avokatit të përndritur:

Cili është faktori më i fortë i pranimit të Shqipërisë në Bashkimin Europian?

l.
Faktori më i fortë për pranimin e Shqipërisë në BE është ndërhyrja ruse për të destabilizuar botën shqiptare në Ballkanin Perëndimor, sidomos, Shqipërinë në fillim dhe Kosovën më pas.
Por a i ka mundësitë politika ruse që ta bëjë këtë destabilizim?

Politikani i lartë amerikan, Palmer, para një muaji deklaroi në Tiranë se “targeti rus ndaj Shqipërisë është shumë i vështirë”.

Kuptohet se politika amerikane mu në Tiranë ua tha këtë forcave destruktive që kërkojnë destabilizim, hordhive të Partisë Demokratike, e cila u duk se pas kësaj, sikur u revoltua edhe më dhe e sulmoi gjendjen me granada Molotov. Të pa para kurrë në historinë e Shqipërisë.

Por çndodhi pas kësaj që në protestën e fundit hordhitë u bënë “pula të qytetëruara?”

Bashës i erdhi kërcënimi nga Uashingtoni: politika e lartë amerikane i tha: “nëse nuk hiqni dorë nga dhuna, Partinë Demokratike do ta shpallim parti terroriste”.
Në fakt ky ishte fundi.

Edhe Moska u habit me xhiron paqësore dhe me dritë telefonash të të “revoltuarëve të Tiranës”.

ll.
Por mos mendoni që Rama u ndje komod. Është i shqetësuar por tani nuk i ndihmon dot më hordhitë destabilizuese, se sigurisht që e di kërcënimin deklarativ të politikës amerikane për shpalljen e partisë terroriste.

lll.
Të gjitha këto bashkohen dhe na çojnë në përfundimin se pranimi i Shqipërisë në Bashkimin Europian është sot domosdoshmëri e politikës globale perëndimore. Ky është mendim i prerë i politikës korente amerikane dhe gjermane. Koha e solli që politika e lartë gjermane, anëtarëve
të Bashkimit Europian, kundërshtues të hapjes së negociatave me Shqipërinë, t’iu kujtojë që “ky kundërshtim është interesi rus në Ballkanin Perëndimor”.
E pra, ky duhet të jetë argumenti më i fortë për pranimin e Shqipërisë në Bashkimin Europian shumë shpejt pas çeljes së negociatave.
Po opozita jashtëparlamentare e antireformë, çduhet të bëjë? Duhet të ketë shumë kujdes: Shqipëria nuk mund të destabilizohet, kjo është pamundësi absolute…

/TPZ.al/ Tej e këtej/

* Për më shume bashkohuni në grupin tonë: https://www.facebook.com/groups/tpz.al/