X

Kërcënimi i Ramës për vizat amerikane dhe manipulim i Top Channel, me “dokumentin ku u bazua kryeministri”


Televizioni Top Channel, ka shfaqur një kronikë, në të cilën pretendon se ka zbuluar dokumentin të cilit i referohej kryeministri Rama, kur kërcënoi personat që mund të prishin zgjedhjet, me ndalimin përjetësisht për të hyrë në SHBA.

Në kronikën e Top Channel, thuhet se ky zbulim është bërë nga “Gazeta Shqip” dhe se: “Kjo ishte deklarata e kryeministrit Edi Rama një ditë më parë si një paralajmërim për ata që deklarojnë se do të pengojnë të bëhen zgjedhje më 30 qershor, por edhe personat që i ndjekin. Mesazhi i tij nuk ishte vetëm për Bashën, Berishën apo Kryemadhin, por kryeministri tentoi të lajmëronte mbështetësit e opozitës që mund të përdorin forcën për të ndalur zgjedhjet lokale të 30 qershorit”.

Deklarata presidenciale në SHBA, të cilës i referohet kjo kronikë e Top Channel, është “Proclamation 7750 e 12 Janarit 2004, konkretisht neni 1(c).

Me anë të kësaj deklarate presidenciale, e cila mbart efekte ligjore, në nenin 1 (c) thuhet se ndalohet hyrja në SHBA për:

Zyrtarët publikë, ose ish zyrtarët publikë, të cilët kanë përvetësuar fonde publike, ose kanë ndërhyrë në procese gjyqësore, elektorale apo procese të tjera publike, të cilat kanë apo kanë patur efekte serioze negative në interesat kombëtare të Shteteve të Bashkuara të Amerikës”.

Por qëllimisht në këtë kronikë të Top Channel, krijohet aludimi, se kjo deklaratë presidenciale,  i referohet edhe qytetareve, veç zyrtarëve publikë, gjë që është një mashtrim, pasi në nenin 2 të kësaj deklarate presidenciale, thuhet në mënyrë eksplicite, se asnjë person tjetër, veç zyrtarëve publikë të cituar në nenin paraardhës, nuk është subjekt i saj.

“Neni 1 i kësaj deklarate, nuk apikohet ndaj asnjë personi, përveç atyre të përfshirë në nenin 1, nëse hyrja e një personi në Shtetet e Bashkuara, nuk do të ishte kundër interesave të SHBA-së”.

Pra kjo deklaratë presidenciale, të cilës i referohet Top Channel, nuk do të mund të aplikohej asnjëherë mbi qyetatarët shqiptarë, që nuk kanë patur poste zyrtare, edhe pse kryeministri Edi Rama, kërcënoi “mbështetësit e opozitës”. Ndaj, kur Top Channel, thotë se ka zbuluar dokumentin dhe ligjin amerikan mbi të cilën bazohet deklarata e Edi Ramës,  kemi të bëjmë me një manipulim.

Madje, nëse kjo deklaratë presidenciale lexohet në tërësi, pa shkëputur vetëm fjalën “procese elektorale”, është e qartë, se ajo i referohet ndalimit të zyrtarëve të përfshirë në korrupsion, për të hyrë në Shtetet e Bashkuara.

Ja çfarë thuhet në preambulën e kësaj deklarate presidenciale, të firmosur nga presidenti George. W. Bush.

Kam vendosur, që është në interes të Shteteve të Bashkuara, të ndërmarr aksion për të kufizuar udhëtimin dhe për të pezulluar hyrjen në SHBA, si emigrant dhe jo emigrant, të personave që kanë kryer, kanë marrë pjesë ose kanë përfituar nga korrupsioni, gjatë ushtrimit të funksioneve publike, kur ky korrupsion ka efekte serioze negative në aktivitetet ndërkombëtare të bizneseve amerikane, qëllimeve të ndihmave të huaja nga SHBA, sigurisë së SHBA-së, ndaj krimeve transnacionale dhe terrorizmit, apo stabilitetit të institucioneve demokratike dhe shteteve”.

Pra, personat që realisht duhet të tremben nga kjo deklaratë presidenciale, janë të gjithë zyrtarët shqiptarë dhe qeveritarët, e përfshirë në afera korruptive, përfshirë këtu edhe manipulimin e zgjedhjeve dhe jo qytetarët shqiptarë, të cilët sot janë vendosur para kërcënimit nga kryeministri i vendit, se do të izolohen përjetësisht në Shqipëri.

Kujtojmë, se opozita shqiptare vijon të kërkojë hetime të paanshme dhë të pandikuara politikisht, për dosjen 339 dhe 184, ku zyrtarë të lartë dhe të zgjedhur lokalë, figurojnë në disa transkripte telefonikë, ku bisedohet për blerjen e votave.

Javën e kaluar, e përditshmja Bild, publikoi edhe një bisedë të kryeministrit Edi Rama, në dosjen 184 me një të zgjedhur lokal, fill pas përfundimit të votimeve.

Propaganda qeveritare dhe mediat që e ekzekutojnë atë, kanë manipuluar një dokument, për t’i dhënë jetë kërcënimit të  kryeministrit, për ndalimin e hyrjes në SHBA, ndaj qytetarëve që pengojnë zgjedhjet. Ende nuk është gjetur një manipulim i ngjashëm, për kërcimin tjetër të kryeministrit, për ndalimin e hyrjes së qytetarëve shqiptarë,  në vendet e Bashkimit Europian.

/TPZ.al/ 

More in KRYESORE, LAJME, NË FOKUS
Vrasja e Devi Kasmit/ Shtyhet seanca për ish-komandon grek, mungonte prokurori

Për ish-komandon grek Eftimius Eftimiu i akuzuar për vrasjen e Devi Kasmit, është shtyrë sërish seanca gjyqësore ndaj tij. Ditën...

Close