AKTUALITET, 5 Shkurt 2019, 19:25

Projekti i stadiumit të ri të Romës merr “dritën jeshile”

Italia ka një reputacion si një shtet ku burokracitë në çdo fushë të jetës nuk kanë fund. Kjo është e vërtetë edhe në futboll. Klubi i Romës ka vite që kërkon të ndërtojë një stadium modern, por pengesat kanë qenë të shumta.

Pas shumë vitesh sorollatje, duket se përpjekjet e vazhdueshme të drejtuesve verdhekuq po shpërblehen. Së fundmi, klubi kryeqytetas njoftoi se projekti i tyre ka marrë miratimin nga një panel i pavarur.

Kryebashkiakja e Virgina Raxhi ka konfirmuar se po punon fort, që projekti të marrë të gjitha lejet e nevojshme dhe me shumë gjasa punimet për stadiumin e ri do të fillojnë në fund të këtij viti.