Përfaqësuesi i DH Albania/ Sistemi TIMS tregon se Avdjol Dobi u largua nga Shqipëria në Korrik dhe nuk u kthye më

7 Dhjetor, 2018 19:39

Përfaqësuesi ligjor i kompanisë, DH Albania, Avdjol Dobi, rezulton sipas sistemit TIMS, se është larguar nga Shqipëria në datën, 17.07.2018 nëpërmjet pikës kufitare të Muriqanit, duke përdorur kartën e tij të identitetit. Sipas sistemit TIMS, ai nuk rezulton të jetë kthyer në Shqipëri që prej asaj date.

Dobi është paraqitur përpara noteres për të noterizuar dokumentat e kompanisë, në datën 12.07.2018, pra vetëm 6 ditë përpara largimit nga Shqipëria.

Të Paekspozuarit, publikoi ditën e djeshme dokumentat e falsifikuara në Qendrën Kombëtare të Biznesit, me anë të të cilave, Dunwell Haberman ka krijuar imazhin e rremë se është themeluar në 25 Qershor të vitit 1998, kur në fakt është themeluar në 25 Qershor 2018, fakt i konfirmuar nga zyra e Sekretarit të Shtetit të Delaware, për emisionin “Të Paekspozuarit”.

Mësohet se në Delaware të SHBA-së, kanë nisur hetimet për kompaninë Dunwell Haberman.

/TPZ.AL/