X

Basha, përgjigje ambasadës së SHBA: Mos u bëni palë me asnjë parti

Kryedemokrati Lulzim Basha i përgjigjet ambasadës së Shteteve të Bashkuara të Amerikës e cila pak orë më parë apeloi që nesër gjatë protestës opozitare të gjithë aktorët të tregojnë vetëpërmbajtje dhe të shmangin dhunën.

Basha nga ana e tij thotë se nuk do të komentojë deklaratën e tyre, ama kërkon që ata të mos bëhen palë me asnjë person apo parti politike. Këto deklarata ai i bëri pas takimit me Ministrin e Jashtëm Çek.

“Nuk komentoj deklaratat e ambasadave meqë më pyesni. Nuk i kërkoj të jenë palë me asnjë person me asnjë parti por të bëhen me vlerat e demokracisë, zgjedhjeve të lira e të ndershme, me luftën ndaj krimit dhe shit-blerjes së votës, me problemet e shprehura qartë edhe nga raporti i DASH. Shqiptarët e kanë kuptuar se protesta është një tjetër rast për tu bashkuar e ngritur zërin, e kanë kuptuar se vetëm me protesta ndalet e keqja”,- tha Basha.

More in AKTUALITET, LAJME
“Po mbahet i arrestuar që të pranojë mandatin”, lirohet anëtari i PD-së Pandeli Tole

Pandeli Tole, kandidati për deputet i PD-së në qarkun e Fierit, është liruar ditën e sotme nga qelia e paraburgimit....

Close