X

Basha në Elbasan: Kupa është mbushur, në burg do të shkojnë …

Kreu i PD-së, Lulzim Basha, ishte pasditen e sotme në Elbasan, ku ka zhvilluar takime të shumta me qytetarët.

Gjatë takimeve, Basha është shprehur se është mbushur kupa dhe disa do të përfundojnë në burg.

‘Ne jemi përpjekur ta zgjidhim krizën duke e pastruar të keqen nga koka, kemi propozuar vettingun e politikanëve, ligjin Antimafia kundër oligarkëve dhe korrupsionit, por, Edi Rama i ka hedhur poshtë, me dhunën e kartonave që nuk përfaqësojnë interesin tuaj.

Edi Rama dhe krimi i organizuar që e ka sjellë në pushtet, nuk mbron xhepat tuaj, por ata mbrojnë xhepat e Sejdinëve dhe Gjushërve, banditëve dhe politikanëve me të cilët është ulur në atë karrige.

Në Europë, kur qeveria kapet duke vjedhur, kur qeveria kapet duke u bërë njish me krimin e organizuar, nuk ikën populli, ikën qeveria, ikën kryeministri dhe kjo është mënyra e vetme e zgjidhjes së kësaj krize.

Kupa është mbushur dhe kupa po derdhet, në burg do të shkojnë nga i pari tek i fundit të gjithë qeveritarët e korruptuar dhe ata që kanë futur duart në xhepat tuaj, si minj në çark do t’i zëmë më 16 shkurt, do t’i çojmë para ligjit, përpara drejtësisë’, është shprehur kreu i PD-së Lulzim Basha gjatë ditës së sotme në Elbasan.

More in AKTUALITET, LAJME
Flet Mark Frroku: Vëllai im do të jetojë i lirë në Holandë, por nuk shkel në Shqipëri

Biznesmeni Mark Frroku ka fituar gjyqin ndërkombëtar me drejtësinë shqiptare. Ai i ka shpëtuar burgimit të përjetshëm, pasi gjykata e...

Close