X

“Nuk bëhet, nuk bëhet”, Rama rinis sulmet ndaj studentëve: Flasin si veshgjatë, me smartphone në duar!

Kryeministri Edi Rama në një takim që po zgjat tashmë prej dy orësh, ka prezantuar sot platformën për punësimin e studentëve, ku u ka bërë thirrje të gjithë studentëve që kanë bllokuar hyrjet e fakulteteve që të largohen prej aty.

Rama tha mes të tjerave se studentët nuk dalin dot më tek Kryeministria se nuk kanë forcën e numrave, tha se nuk kanë asnjë të drejtë të bllokojnë pjesën tjetër që duan mësim.

Si mund të arrijë puna që një grup njerëzish nuk dalin më te kryeministria se nuk kanë forcën për të treguar që janë shumë, pengojnë të tjerët që të bëjnë mësim, unë mund të jem një tek pullë, se kjo është demokracia, unë jam një që dua mësim, kam paguar paratë, nuk më intereson as protesta, por vetëm të marr mësim, pedagogu ka të drejtë të më japë vetëm mua mësim, e rrugën deri te banka nuk ka pse të ma pengojnë, çeta nuk ka pse të më pengojë, se kërkojnë gjëra që nuk kanë për tu bërë kurrë.

Dhe i kanë vënë emrin studentë, studentet duan, kështu, ashtu. Kërkojnë të njëjtën gjë për masterin, nuk bëhet, nuk bëhet, kemi bërë përjashtim për 9 e 10-ta, kaq, masteri nuk është detyrim i shoqërisë për të paguar për ty”, u shpreh Rama.

Më tej Kryeministri u morr dhe me edukatën e studentëve që sipas tij lë shumë për të dëshiruar, duke e quajtur një gjendje katastrofe.

Ata që përsërisin vitin nuk kanë për të marrë kokërr leku, kokërr leku që të jemi të qartë. Dhe në fund, edukata katastrofë, e pabesueshme, sa herë ndeshem me këtë fakt mendoj prindërit.

Shqipëria mund të mos ketë pasur shumë gjëra, por ka pasur kod edukatë edhe në kullat më të izoluara në mes të maleve, në familje që nuk kanë ditur shkrim e këndim, malësorë në fund të botës, ose banorë në buzë deti pa dallim kanë pasur një shtëpi një kod edukate. Kur mendon që familja ka hequr bukën nga tavolina, fëmija me smartphone flet si veshgjatë që ka dy duar tepër dhe dy këmbë mangut është të vësh ulërimën.”, shtoi me tej shefi i qeverisë.

Ndërsa në fund tha: Ky është rezultat i punës sime si protestues, jo i protestës tuaj, se këtë nuk e kishit fare.

More in AKTUALITET, LAJME
Rama-studentëve: Djali im nuk kapi Universitet se s’kishte mik

Në prezantimin e platformës së punësimit të studentëve ekselentë, kryeministri Edi Rama tha se ka ikur koha kur në Universitet...

Close