Rritja e taksës së naftës në Francë, Macron tërhiqet pas protestave të dhunshme

Qeveria franceze do të pezullojë rritjen e taksës së karburantit. Vendimi për rritjen e taksës, ka shkaktuar prej disa javësh protesta të dhunshme në Paris.

Sipas BBC, kryeministri Edouard Philippe kërkoi kompromis me protestuesit, si dhe një mbledhje me grupin parlamentar sot në mëngjes.

Tre persona kanë humbur jetën prej protestave të dhunshme dhe shumë protestues dhe policë janë plagosur.

Qyteti i Parisit ka pësuar dëme kolosale, për shkak të vandalizmit. Veçanërisht shembja e disa statujave pranë Harkut të Triumfit, është konsideruar një humbje e madhe.

Në mbledhjen e planifikuar, Franca pritet të anulojë taksën për rritjen e çmimit të karburantit, vendim që pritej të hynte në fuqi prej 1 janarit 2019.

“Jelekverdhët”, ja kanë dalë të sprapsin qeverinë. Lëvizja e tyre është rritur veçanërisht për shkak të rrjeteve sociale. Kjo lëvizje ka gjithashtu mbështetje në spektrin politik.

Presidenti Macron, u zgjodh dy vite më parë me zotime të shumta për të reformuar vendin, por popullariteti i tij është ulur ndjeshëm, veçanërisht në muajt e fundit.

/TPZ.AL/