Rama reagon për Bularatin: Hienat përdhosën flamurin e tyre. Shqipëria nuk “flliqet” nga ca të pagdhendur, që jetojnë si hiena e kendojnë si korba

Kryeministri Edi Rama ka reaguar për ceremoninë mortore të ekstremistit grek Kostandinos Kacis sot në Bularat. Duke iu përgjigjur shqetësimit të një komentuesi në Facebook, Rama thotë se Shqipëria nuk “fëlliqet” nga ca te pagdhendur, qe jetojnë si hiena e këndojnë si korba.

Komentuesi: Nderhy zoti Rama Te lutem sepse u flliqem si shtet,vjen greku na provokon, tregoja vendin dhe tregoja vlerat tona si komb.

Përgjigja e Ramës: Vlera jone sot? Pikerisht ajo qe disave ketu u duket gabimisht si dobesi. Shteti yne s’lufton as me arkmorte dhe as me provokatore varrimesh. Kush erdhi per te provokuar, hyri, turperoi veten e flamurin e tij dhe iku. Patriotizmi nuk eshte te urresh tjetrin e gjuhen e tij, po te duash vendin e gjuhen tende. Dhe zotrote mos e perdor termin “greku”, se eshte po kaq e neveritshme sa kur te pagdhendurit ne anen tjeter, thone “shqiptari”! Minoriteti grek, njerezit e mire te minoritetit e te Bularatit, nuk jane “greku”, po jane qytetare te respektuar e te pazevendesueshem te Shqiperise.

E ti qe as emrin s’merret vesh si e ke, rri pa merak se Shqiperia nuk “flliqet” nga ca te pagdhendur, qe jetojne si hiena e kendojne si korba! Jane qenie te mjera qe perdhosin te vdekurin qe medemek respektojne dhe ulin dinjitetin e flamurit te kombit te tyre – nje komb qe i ka dhene shume njerezimit; nje popull qe s’ka qene e s’mund te jete kurre armiku yne; nje vend ku shqiptaret kane gjetur strehe, njesoj siç kane gjetur greket strehe tek ne dhe qe edhe ai, si çdo vend, ka taksiratin te kete derrat e gomeret e vet.

Të ngjashme

More in AKTUALITET, LAJME
Varrimi i Kaçifas, reagon Tsipras: Sot ditë zie për të gjithë Greqinë!

Kryeministri i Greqisë, Aleksis Tsipras, ka folur në një intervistë për mediat greke ku është pyetur për varrimin e Konstandino...

Close