“Një ‘Babale’ në Lezhë”, qytetari i përgjigjet Pjerin Ndreut: Bëni pirueta para Ballës, i janë prishur pazaret në Elbasan

Deputeti socialist Pjerin Ndreu, sot paradite në një postim në Facebook shkruante se gjatë Asamblesë së PS në Lezhë kishte zbuluar një “Babale”, një person që regjistronte me diktofon.

Më tej Ndreu shtonte se ishte instinkti prej polici që kishte arritur ta zbulonte. Por më pas “Babalja, Klodian Marku, që u kap duke regjistruar ka reaguar po në Facebook, ku ka treguar se si qëndron e vërteta sipas tij.

Marku shkruan se ndodhia është një lojë e deputeti të PS në Lezhë për të marrë vëmendjen e Taulant Ballës.

“Si personi përgjegjës i sallës, kam edhe detyrimin ligjor të kujdesem për çdo material që është brënda, gjatë çdo lloj aktiviteti, qoftë edhe mbledhje partie, si dhe kam përgjegjësi të plotë për mbarëvajtjen e çdo takimi, kulturor, social apo politik, duke filluar nga fëmijët e deri te takimet e bashkisë, institucioneve të tjera lokale, Kryeministrit, PS, PD apo LSI. Gjithmonë kam qënë prezent, në llozhë, fizikisht I DUKSHEM nga paneli e të pranishmit”, shkruan mw tej Marku.

29067025_10212122169351776_5893789467451161991_n

POSTIMI I PLOTË I MARKUT

Të dashur miq!

E gjej me vend të reagoj sot, pas një lumi shpifjesh të sajuara ndaj meje, me dashje nga disa zëdhënës të PS Lezhë pas dështimit të asamblesë.

PS e Lezhës ka një deputet që ka vendosur të përfaqësojë lezhjanët nga facebooku, duke luajtur kukafshehtasi lojëra policash……për të marrë vemendjen e Taulant Ballës, atij që së fundmi doli me zë e figurë me trafikantë droge.

Kërkuan të zhvillojnë asamblenë (mbledhjen më të rëndësishme të partisë) në sallën e Qendrës Kulturore të Fëmijëvë e jo në pallat të Kulturës, si për të dashur të duken se janë shumë, me zor. E për të fshehur këtë dështim, në sy të Ballës së drogës, sajuan se partia e tyre ishte në rrezik…..polici tha që ende nuk i ka humbur instiktet e policit…..salla u cua në këmbë ‘o burra armiku, na dolën sekretet’. Thanë se u isha dukur edhe si Babale, si për të treguar fobinë e Ballës e gjithë trafikantëve të drogës aty në sallë.

Të dashur miq!

Prej vitit 2016 kam fatin të jem përgjegjës i salles se Qendrës Kulturore të Fëmijëve në Lezhë, ku bashkë më kolegët ia kemi dalë ta shndërrojmë këtë qendër në një model për cdo fëmijë që na viziton.

Si personi përgjegjës i sallës, kam edhe detyrimin ligjor të kujdesem për çdo material që është brënda, gjatë çdo lloj aktiviteti, qoftë edhe mbledhje partie, si dhe kam përgjegjësi të plotë për mbarëvajtjen e çdo takimi, kulturor, social apo politik, duke filluar nga fëmijët e deri te takimet e bashkisë, institucioneve të tjera lokale, Kryeministrit, PS, PD apo LSI. Gjithmonë kam qënë prezent, në llozhë, fizikisht I DUKSHEM nga paneli e të pranishmit.

As unë as familja ime, as KRAHINA prej nga vijmë, nuk kemi zakon spiunllekun por as të rritemi e jetojmë mbi bazë thashethemesh.

Diktofon?! Akoma atje ka mbetur partizani i vogel velo?!!!

Diktofonin më me zë ke shpifjet e thashethemet e tua 😉

Nuk po zgjatem më tej. Kisha detyrimin të sqaroja miqtë e mijë, mbi të gjitha në emër të punës që unë bëj cdo ditë.

PS Lezhë le të vazhdojë! Bëni pirueta para Taulant Ballës……kushedi, i janë prishur pazaret në Elbasan

Klodjan Marku

POSTIMI I PJERIN NDREUT

Nje Babale edhe në Lezhë. Në mbledhjen e Asamblesë të PS Lezhë, një i fshehur me diktofon në dorë për të inçizuar, gjendej në llozhin e sallës.
Instikti i profesionit te policit nuk më ka lënë akoma për ata që e dyshojne !
E nxorëm jashte, me qetësinë, kulturën që na përfaqëson duke i tregu paftyrësinë e paturpësinë e tij/tyre dhe misionin e shëmtuar qe po kryente !
E turpshme!

Të ngjashme

More in AKTUALITET, LAJME
Laboratori i drogës në Has, reagon kryeministri Rama

Kryeministri Edi Rama ka reaguar në Tëitter për operacionin e zhvilluar nga policia në Has, ku u zbulua një laborator...

Close